الخميس، 24 ديسمبر 2009

بوطبيع مايجوز من طبعه !!




مرحبا,,,,
الصراحه قبل شووي كنت احووس بايملاتي اللي صارلي دهـــــــر مو مبطلتهم ولا مجيكه عليهم :(
استغربت من ايميل فيه موضووع اول مره ادري عنه ومادري متى صار اصلا..
الكاتبه السعوديه (نادين البدير) كانت كاتبه مقاله في احد الصحف وطبعا فؤاد الهاشم مايخلي احد لووول وانا الصراحه من اشد متابعينه ولو اني اختلف معاه في بعض المرات ..
لكن تعجبني قوته وجرأته بالطرح واللي بقلبه على لسانه
عموما نرد لموضوعنا .. هذي نادين البدير كانت مقالتها عن تعدد الازواج بالنسبه للمرأه؟ يعني اهيا تبي المره تتزوج 4 !!
هذا كوبي من الايميل لجزء من مقالة نادين البدير اللي كانت معرفه فيها مصطلح (الرهـــط) :
"
تعريف الرهط : هو زواج عرفه العرب قبل الاسلام ويعني زواج المرأة من اكثر من رجل بالترويج للفحشاء والتشجيع على الفجور ونكاح الرهط عرفه العرب قبل الاسلام وكان سائدا في مكة وهو أن يجتمع الرهط (اي مجموعة رجال يقل عددهم عن عشرة) فيدخلون على المرأة ويمارسون الجنس معها واحدا بعد الاخر فاذا حبلت ووضعت تقوم باستدعاء الرجال العشرة فتختار الرجل الذي تحبه فتلحق الولد به حتى لو لم يكن هو والد الطفل"
خلونا نشوف رد فؤاد الهاشم :
"امرأه واربعه رجال..

الزميلة السعودية «نادين البدير» - وتعمل ايضا في قناة «الحرة» الامريكية - كتبت مقالا في جريدة «المصري اليوم» في عددها الصادر يوم 2009/12/11 تتساءل فيه عن.. «حرمانها من حقها كامرأة في الزواج من اربعة رجال - في وقت واحد - يمكن ان يزدادوا الى سبعة أو ثمانية»!! وتقول - ايضا - ان من يعترض على هذا الامر بحجة ان المرأة تتعب من تلبية احتياجات اربعة - أو خمسة رجال - في وقت واحد، عليه ان يغير فكره هذا لأن البغايا ونساء الليل يفعلن ذلك منذ الازل و.. لا يتعبن»!! المقال طويل وسوف انشره كاملا في وقت لاحق. وقد تسبب في دعاوى قضائية رفعها عليها - وعلى الجريدة الناشرة - محامون في مصر، واود هنا ان اسأل الزميلة العزيزة - وهي بالمناسبة صغيرة وجميلة وذات وزن مثالي - «ماذا لو تزوجتها انا مع الزميل وليد الجاسم والزميل احمد الفهد والشيخ صالح النهام.. مثلا»؟! سوف نجلس - نحن الخمسة - على كوشة واحدة في صالة افراح «المعجل» في الفيحاء لنتلقى التهاني، لكن المشكلة ستبدأ بعد مغادرة المدعوين و«ذهابنا» جميعا الى منزل الزوجية حيث ستنشب معركة بيننا حول من.. يدخل على العروس.. اولا؟! الزميل «أحمد الفهد» هو «سلفي - عفريت» سيقترح العمل بنظام الحروف الأبجدية ولأن اسمه يبدأ بحرف «الألف» فسوف يدخل على «زوجتنا - نادين» اولا، ثم الشيخ صالح بعده، وانا الثالث ليصبح «وليد» هو الاخير! انتهينا من المشكلة الاولى، وستظهر الثانية بعد تسعة اشهر حين تنجب «حرمتنا» مولودا ذكراً، لكن بوجود الفحص الجيني لن يكون صعبا معرفة الوالد الحقيقي، وان كنا لن نحتاج اليه على الاطلاق، بل يكفي التمرس في ملامح الطفل لنعرف والده، فإن جاء «اسمر ويكركر وايد» فهو ابن «أحمد»، وان جاء «ابيض ومتبتب» فهو اما ابني أو ابن وليد، وان كان «ادعم ومدلقم» فهو ابن الشيخ «صالح النهام»!! ثم.. ماذا ستفعل «مرتنا - نادين» في وجبات غدائنا المختلفة؟ فالزميل «أحمد الفهد» يحب الدجاج الإسلامي «أبو تسعمائة غرام»، وأنا أحب المأكولات البحرية، ووليد الجاسم يعشق «ضلع الخروف المشوي مع الروب»، والشيخ صالح يحب «المطازيز» فكيف ستتفرغ لاطعام اربعة رجال اوزانهم - مجتمعين - اكثر من نصف.. طن؟! وماذا لو حصلت على بعثة دراسية للخارج، فهل سأصطحب «زوجتي - نادين» مع ازواجها الثلاثة.. الآخرين؟! على أي حال، فأنا احذر الزميلة «نادين» من ان فكرتها هذه - لو تحققت - وتزوجت من مجموعة رجال - دفعة واحدة - فسوف ينتهي تاريخ صلاحيتها خلال ستة اشهر فقط ولا تعود «صالحة للاستهلاك الآدمي»، وقد تأتيها جرافات فريق الإزالة وتأخذها إلى مكان.. بعيد!! "
طبعا برايي ان فؤاد الهاشم رده هالمره مو مقنع نهائيا !! دخل شخصيات بالموضوع مالها علاقه وحطهم بالمقاله بموقف (بايخ)!! كان رده كله سخريه مو اكثر
طلع بره الموضوع بمسلسل من تأليفه!! ماتكلم باسلوب واقعي ومنطقي !! يعني بالعربي لو موراد وساكت احسن له بس بوطبيع مايجوووز عن طبعه :)
هاردلك هالمره فؤااد الهاشم :)

الثلاثاء، 22 ديسمبر 2009

الفتنه نائمه لعن الله موقظها !!




مــــــــــــــــــــــاراح اعلق ,,, لان اللي عنده ضمير بيفهم انا شقصد!!

ماكنت احب اكتب عن هالمواضيع بس شي يحر!!

السبت، 19 ديسمبر 2009

رايي ب 2012 ؟



مرحبـــــــــــــــــــــــــــــــــــا

يعطيكم العافيه ,,, لكم وحشه والله اتمنى الكل يكون بخير وعافيه ان شالله :)

اليوم حابه اتكلم عن الفلم اللي حطم الارقام القياسيه في المشاهده واللي كان بالتووب !!

فلم 2012

الصراحه انا من الناس اللي لما شفت دعايات وبوستر الفلم تحمست اني اشووفه لانه يشووق بلقطاته بـــــــــــــــــس تحسفت لما شفته حسافة الوقت !!

لي رايي بهالفلم مادري يمكن وايد يخالفوني ويعارضوون رايي بس انا هذا اللي لاحظته!!

اول شي الفلم في مشاهد مبالغ فيها يعني صج انه يشد الانتباه ويخووف بعد بس في مشاهد منه حييييييييييل مبالغ فيها (اهم شي طياره تبتون بين عمارات قاعده تنهد))!!<<< ؟؟؟؟

وانا اطالع التلفزيون مادري بأي قناة كانو عارضين التوب تن بالافلام وكان منها هالفلم وكان بداية الفلم!! جمله (on day will unit all of us))!! وعقبها حطوا مشاهد العبادات حق كل ديانه!!

مادري انا حسيت هاللقطه او الفقرره استهزاء كأنهم يذكرون يوم القيامه !! <حسيت :p

وبعد اهم شي السفينه اللي فيها حيوانات !! يعني هل انا يتهيألي انها تشبه سفينه نوح عليه السلام!! ولا اهما حطوهاا صدفه !!

فلم فيه رساله غير مبااشره ترى مو رايي بروحي انا تناقشت مع اكثر من شخص ووايد ناس ماكانو ملاحضين ووايد ناس استنكروا شلون ينعرض بالكويت

مادري انتو شرايكم هل اللي قلته مبالغ فيه او ماله داعي او يتهيألي!!


الأحد، 23 أغسطس 2009

الا من رحم الله,,ومبارك عليكم الشهر :)

بلشنــا رمضــان وبلشنــا ,,,
اكــل,,ومرعى,,وئلة صنعى اقصد مسلسلات :(

هذا حال الغالبيه العظمى الا من رحم الله ويااحظهم ويابختهم والله ..

يمكن في يوم من الايام كنت انا وحده من هالغالبيه بس الحمدلله عقلت وكبرت وافتكيت بقدرة قادر من هالداء( داء المسلسلات الرمضانيه)!!

سبــحــان الله .. ابداعات الاعلام والفنانين ماتطلع الا بشهر الصيام ,,شهر الرحمه شهر العباده شهر المغفره شهر البركه,, وياليت لها فايده او هدف!!

والنـــاس مع الخيــل ياشقرا ,,(القناه الفلانيه بالساعه الفلانيه حاطين المسلسل الفلاني لازم نتابعه!!)
وتلاقونهم مزهبين لستــه طويله عريضه باسماء المسلسلات والتوقيت مالها!!

واذا سالتهم شتبي بهالمسلسل سيده ردهم زاهب :(والله المسلسل هذا مو مثل غيره هذا له قصه وابطاله عمالقه وله هدف!!)

انزين ورمضـــان .. ماله هدف!!

شسويتي لربج بهالشهر الفضيل:
رتبتي ,,نظفتي،،طبختي،، وكلتي اهلج وشبعتيهم من كافه الاصناف وبعدها تعبتي ونمتي!!!!!!

شسويت لربك:
دوام..نوم..تلفزيون..واخرتها سهر بالدوانيه!!

موهذا الواقع ولا انا غلطانه!!

احنا نسينا الهدف من رمضان نسينا ان رمضان فرصه للتقرب من الله فرصه للتوبه فرصه علشان ننال الدرجات فرصه لحفظ القران الكريم!!

صار رمضانا بس للمسلسلات والغبقات والزوارت والسهر ,,
وين العبادات وين الطاعات وين الكلمه الطيبه وين التذكرى والنصيحه وين وين!!

كل هذا بــــــــــــــــــــــــــــــــــــــــــــــح!!

الا من رحم الله!!

اللهم ات نفوسنا تقواها وزكها انت خير من زكاها انت وليها ومولاها امين
ومبارك عليكم الشهـــر
والله يهدينا ويقدرنا على طاعته وحسن عبادته


السبت، 22 أغسطس 2009

فــراقك صعب يالغالي :(

مااصعب لحظـــات فراق الاحبه,,ومااتعسهــا من ايام بدونهم!!
خاصه اذا كان هالشخص ابــوي الغالي
ابي الحبيب,,
لقد عشت خلال 25 يوم مضت اتعس اياامي غمرني حزني لفراقك ,وودت لو ان لحظه الفراق لم تحن ولكنها رغبتك,!
كم تمنيت ان ابين للعالم اجمع كم انا في ضيقه لفراق شخص غااااالي يسكن الروح ,,كم تمنيت لو اذرف دمووعي سيلا حتى اعبر عن حبي لك وعن حزني لفقدانك خلال هذه الاياام !
ولكني اتذكر وصيتك وكلماتك التي ترن في اذني,(لا اريد ان ارى الدموع في عينيك ابدا وكوني قويه )
نعم انني قويه ولولا قوتي لما استطعت كتابة هذا البوست بعد هذه الايام !!
ابي وحبيبي لقد تحملت وصبرت على امل لقياك بالقريب العاجل لاذرف دموعي التي اختزنتها طول هذه الايام على صدرك وفي حضنك :(
ايها الغالي,, فراقك صعب ولكن اتمنى ان تجمعني بك الاياام القريبه وتقر عيني برؤيتك ويسر خاطري ويفرح قلبي بوجودك امامي:)
وتذكر دائما ان لك عاشقه صديقه اخت ابنـــــه تستمد حياتها ووجودها منك فلا تتأخر في لقياها ولاتحرمها وجودك ..
((احــــبــكــ)) والله يطول فعمرك ويخليك لنـــا
الجــوري
هالبوست راح يكون ذكري بعد رجوع ابوووي انشالله :)
ادعوو لابوي يرد بالسلامه ان شالله

الخميس، 20 أغسطس 2009

رساله للناس الفاضيه!!!

الصـــــــــــــــراحه شي يضيق الخلق!!





كلنا انصدمنا وتضايقنا على حادثة الجهــراء الله يرحمهم ويعين اهلهم ويصبرهم ويعظم اجرهم !!






بس بالمقابل في فئه من الناس (الفـــــــــــــــاضيــه) اللي ماوراها لاشغله ولامشغله تستغل هالظرووف علشان تنكت وتستظرف ؟!







وايد ايميلات وصلتني فيها استهزاء فيها ملاغه لاقصى حد ,,يعني الناس متضايقه والكويت كلها تتكلم ووفيات وجرحى ومحروقين ودمووووووووووووووع وانتوو!!






تطرشون ايميلات بايخه!!






وانتووو!!






تدزون الصوور بالبلوتوث والنت!!






وانتووو!!






كليتووو لحم المره اكــل!! وليما الحين ماخلصت القضيه وفضحتوها ودزيتوو صوورها !! غير صور المعرس والناس اللي بالعرس الخ






حتى ملوت الضيافه ماتوقع سلموو من ايدكم !! لانكم ناس فاضيه!!


















محد تخيل ولاحط نفسه بهالموقف؟ ولا ليش تتخيلون انتو اصلا ماعندكم وقت تتخيلون ولاتحطون نفسكم بهالمواقف انتو يالله تتكلمون عن الناس!!












انا بحط هني بعض من اللي وصلني ووصل لغيري طبعا !!






-






-






-












وييييييييييييييييييييييييع صج ماكو ذوق كل هاللويه والخبه والمجزره حق هذا!!!!!!!!!
























(1) هذا واحد من الايميلات التافهه طبعا





والثاني عن الجرايد اللي بعد ماقصرووا يحبوون البهاارات وتضخيم الاموور الا من رحم الله :(












اهم شي عناوينهم!!












ماقوول الا الله يهدييكم ..












والله يرحم الموتى ويصبر اهاليهم ويشفى المصابين ويحفظ الكويت واهلها من كل مكرووه :)

الأحد، 21 يونيو 2009

اهـــداء,,,:$




تتساقط أوراق الخريف..وتذهب مع الريـاح
ولم يتبقى من تلكـ الشجرة
ســـوى الذكــريـــات
....

تــمر بي الأيام..وتتجاوز الشهور..وتمضي السنين
ولكن يبقى ذكــراهم خالدا في قلبي وعقلي
....

اولئك من تركوا بصمه في حياتي
بصمة فرح..حزن..الم
بصمة انجــاز..و و و و
.....

يــالها من أيـــام قضيتها مع حبيباتي وصديقاتي
أيـام لاتنسى..عشناها سويا بمرها وحلوها
في المدرسه..وفي الجامعه
كيف لي ان انسى؟ فإن لهم من الحب بقلبي
مالا يستطيع حسابه أي ميزان
.....

ويــالها من لحظات وأيام كم تمنيت أن تمحى من ذاكرتي
لأشخـــاص على الرغم من الألم والحزن الذي سببوه لي
فإنني لم استطع نسيانهم أو تناسيهم!!!
لأنهم قد تركــوا فيني أثرا عظيما..لاتمحوه الأيام
أو الشهور
أو حتى السنون
.....

نـــــعم!! مــرت بي ايامي وجمعتني بصنفين متناقضين من الاشخاص
صنف.. اخذ قلبي وحبي واخلاصي بطيب نفس
و
صنف..غرس بي سهمـــا آلمني..حقدا وكــراهيه
.....

على الرغم من هذا النقيض التــام
الا انهم اجتمعوا معا في عقلي وفي ذكرياتي
واتمنى ان اجتمع بهم جميعا
على خير
.....

Note 4 naaas mo3yanah:
اشتقت لكم
شفتو حبكم خلاني اعبر J
مالت بس :$
يحصلكم فرند مثلي :p

الأربعاء، 17 يونيو 2009

اضغط هنـــــي,,,ومسمينها العداله...!!!!متكوتين

متى نتطووور بحوارنا !!
والله فشله صرنا مضحكه!!! للكل
بهالموقع كاتبين ال head line
(الحـــوار على طريقة العرب )
انا بكتبها (الحــوار على طريقة المتكوتيين ) لاتسألوني شلون طلعت هالكلمه ولا من وين طلعت !!!!
بساللي اعرفه,,,لما الواحد يقعد بمكان عام ويدري ان الكل يشوفه ومتابعه وملاحظه ولا حتى اللي يساافر بعد,,, اتوقع ان المفروووض يحترم نفسه ويحترم غيره ويحط فباله انه اي تصرف بيسويه او اي كلمه بيقولها ماراح يقولون شووفوو فلان شسووا بالمجلس ولا بالمقابله ولا بال اي شي كان,,
بيقولون شووفو الكويتين شيسووون ... شوفو الكويتين شلون يتكلمون.. شوفوو الكويتيين شلون يتعاملون!!!!!
انا اشوف اللي يقدر ديرته واهلها المفروض يطلع بصوره حلوه جدام الكل خاصه الشخصيات اللي لها وزنها ومكانتها وتكون معروفه!!
مثل اعضاء المجلس الكرام!!!!!! اللي ماقصروووو طبعا
مثل الناشطيين بشتى المجالات!!!!
واللي مايحرص على هالشي... اتوقع لايق عليه ( متكـــــوت )!!!!
واللي موقد الشي لا يرز ويهاااا ويطق الصدر وانا خير من يمثلكم!!!
وشوفوو هالفيديوو وصنفووهم انتووو ؛)
هالفيديووو,, على قولتهم(شـــر غسيل علني)!!
كويتييين شوي ويطقون بعض وبشرون غسيل بعض بقناة فضائيه!!!
يعني ياللي ماتشووف شوووف!!!
الا من رحم الله طبعا,,,

note:
ترى اذا كان لهالكلمه معنى ثاني لاقدر الله ...ماوصلني ليما الحين ولا ادري عنه :$ وانا ماقصد فيه الا اللي بالمقال لا اكثـــر :) واهي تقريبا دارجه ومعروفه :p

الثلاثاء، 16 يونيو 2009

انفلونزا الخنازير بالكويت!!






انفلونزا الخنــــازير تصـــل الكويت..



قبل اقل من 24ساعه انتشرت رسالة sms بالموبايلات بالكويت ان في عامل باحد مطاعم ماكدونالدز مصاب بانفلونزا الخنازير وان الاداره حاولت (تطمطم) على السالفه وماتنشرها بين الناس ,,



لكن احد المسؤولين الكويتين الموجودين في ماكدونالدز مارضى بهالشي ونشر الخبر << ريـــال عنده ذمه وضمير



واتوقع الكويت كلها درت لكن احنا ننطر الخبر اليقين!!! وبنفس الوقت ناخذ احتياطاتنا :)



المشكله: لو كان الموضوع صج وتم اكتشاف هالحاله فعلا..شلون هالناس رضووا على نفسهم انهم يسكتوون علشان مصالحهم الشخصيه!!



ماهمتهم ديره كااامله !!



معقووله في ناس جذي؟!



الله يستـــر



اللهم احفظ الكويت وشعبها وكل من سكن فيها من كل مكـــروه,,,اميـــن




البنات الكووووول.click

click
على العنوووووان
وشووفووو
؟؟؟؟؟
هههههههههههههههههههههههههههاي
امبيه موصج !!!
فشله :(

السبت، 13 يونيو 2009

الشيخ((فلان)) يتفلسف!!




كان يا ما كان كان هناك شخص اسمه ((فلان))المهم فلان هذا كان كل امنياته في الحياه انه يصير شيخ قبيله لكن ما فيه مقومات وما احد بيعطيه مجال لان الشياخه لها ناس واخرهم صاحبنا (فلان)بعد ما يأس من الشياخه في قبيلته قال :احسن شي افصل لي "بشت"واكتب عليه (( الشيخ فلان قاتل اميه ومعتق اميه))لبس البشت ورااح يتمشى بعييد عن ديرته وتعب صاحبنا وحط راسه ونام تحت شجرره Jوهو نايم الا ويشوفونه مجموعه رياييل قربوا منه وبدون ما يحس لاحظو البشت واللي مكتوب عليه!!

((الله يكفينا شره هذا مو بسيط هذا اللي بيحل مشاكلنا)) وقومووه بكل رقه لانه شييخ لووول

فلان: ها ها شصاير <<<خايف مالت عليه هم : لالا ابدا بس قلنا تتفضل عندنا يا شيخ فلان

فلان: هاااه الشيخ فلان طيب طيب (اول مره يسمعها في حياته)

هم : تفضل تفضل

المهم راح معاهم قهووه وغدوه وريح وقيل عندهم وقالوا له روس القبيله عازمينك الليله على العشاءوطلبناك ان تقول تم
طبعااا ماصدق وقال تم J

راح شيخ زمانه واجتمع مع هالقبيله ,,,قالوا له : احنا قبيله ضعيفه ماعندنا لاجيش ولا فرسان يحمونا وقطاع الطرق اذبحونا واحنا((مثل الاطرش بالزفه)).ودنا تكون شيخ لنا ,,,
مامداهم يكملون:
فلان: انا موافق ولاتحاتون شي J <<< حلم وتحقق!!!

القبيله: أي يس في شروط>>>صدمة عمرره الشيخ فلان

يتمتم :انا لله وش شروطه؟ طيب وش شروطكم

قالوا فيه ثلاثه اختبارات ان نجحت فيها تاخذ الشياخه وان ما نجحت فما لك عندنا الا ضيافه ثلاثه ايام

الشرط الاول اختبار الفروسيه والقتال

الشرط الثاني اختبار الشجاعه

الشرط الثالث اختبار الذكاء

المهم فكر فلان شوي وهو عارف ان ما فيه ولا شرط ينطبق عليه بس شيسوي بيجازف لوول ووافق ؟قالوا اختبار الفروسيه بكره جهز نفسك.. وعدى هالاختبارر...وصاراليوم الثاني

قال انا جاهز قالوا له نبيك تقاتل قطاع الطرق وترهبهم علشان ما عاد يرجعون لنا..قال:انزيين بس ابى فرس متعوده على الكر والفر.. قالوا جاهزه والسلاح جاهزطبعا..
الرجال عمره ما ركب خيل الا بالاختبار الاول وبال يالله خلص منه ؟

؟قال اببيكم تربطوني على الفرس ربطه ما تنفتح!!,,,,,,ركب الفرس وربطوه ربطة الشر اخذ سلاحه قال: وينهم
القبيله: الجهه الشماليه
قال: طيب وراح يوم ويوميين والا اهو بالجنوووب << شييخ احوول
ومشى الا والله ان قطاع الطرق جدامه ويوم تشوفهم الفرس (الشقرديه) تستنفر وتتفرعن والشيخ فلان يحاول ينزل يمين يسار يحاول يوقف الفرس ما فيه فايده رايحه لهم رايحه وهو مربوط ربطه حدها مو كوول لووول وهو يطالع الا شجره جدامه!! قرررب قرررررب قررررب ....
ويوم وصل جنبها يمسكها حيييل ومن قوةالفرس شال الغصن الكبيرر معاه!!! ويوم شافوه قطاع الطرق وبيده الغصن الكبير هذا خافوا منه وسلموا نفسهم !!!! ومن خوفه قال لواحد منهم : يالله اربط ربعك لا اذبحكم << لو فيك خيير انزل من الفرس واربطهم !!وسحبهم وراح للقبيله وهم جدامه مربوطيين...
ويوم شافوا القبيله قطاع الطرق مربطين قالوا عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول في نفسه والله وطافت !!
الحين اختبار الشجاعه!!قالوا له :فيه اسد دايم ياكل حلالنا ونبيك تقتله<<<حدهم راهيين Jقال هااااااه اسد!!!! ًّ<<< طالعه من قلب لووووووووول
قال: طيب خلوه علي بس ابي فرس بس غير الفرس هذي (ما تنفع له يبغى وحده حبيبه مومالت مشاكل)قالوا :طب وتخير يا شيخ فلان المهم لقي وحده هناك شكلها ضعيفه مالها في المشاكل
قال: هذي .......قالوا يا شيخ فلان هذي تعبانه مومالت كر وفر وانت بتقابل اسد !!
قال انتوا تعلموني الكر والفر وبعدين من هو اللي بيقاتل الاسد انا والا انتوا<<< يـــاأنت رامبوووووووو
قالوا خلاص يا شيخ فلان انت ادرى<<< طاقتهم البووهه
المهم اخذ الفرس الحبيبه هذي وتوكل قال:من وين الاسد هذا اللي يطلع لكم ,,,,قالوا: من الشرق.... قال: طيب خلاص ازهلوه<<< ههههههههههههههه نشوووف
ويوم مشى راح صوب الغرب يعني بينحاش مشى وهو يقول: قالوا اسد مجنون انا؟ ومستانس من الفرس تمشي على اقل من مهلها<<<كل شي بوقته حلوو :p
مشى الرجال الى ان تعب وهو يشوف الشجره الكبيره خلى الفرس وراح نام فووق الشجره!!شويه الا والاسد الله لا يوريكم الشجره هذي بالذات مكان اللي يستررخي فيه الاسد لووووول الفرس من يوم ما شمت ريحة الاسد استخفت ((وتدووووس)) وترد لاهلهاا!!
اما صاحبناا كان (يشخر) فوق الشجره,, نام الاسد,,,,والشيخ فلان ينقلب ويطيح على ظهر الاسد!!!! <<< يانومه ماتمت !!

ويفز الاسد لكن الشيخ فلان من كثر الخوف تمسك حيل لانه عارف انه لوطاح انه بيروح فيهاويحاول الاسد يطيحه يحاول لكن فلان متمسك مسكه خواف يعني متسمر فيه ويحاول الاسد يطيحه يمين شمال ما فيه فايده الرجال مسمر ولا هو ناوي يخليه!!<<< تخيلوو شكله لووووووووووول

المهم وبينما الصراع (صراع من اجل البقاء) قائم بين الشيخ فلان والاسد....القبيله هناك بعد ما رجعت الفرس عرفوا ان الشيخ فلان تعرض لمكروه وقاموو يبون يروحوون ينقذون الشيخ ولما وصلوو ولا فلان متمسك بظهر الاسد والا سد يحاول يطيحه بالارض ..ويجي واحد من القبيله ويقتل الاسد ويطيح الاسد ويموت والشيخ فلان متثبت فيه ويجون عنده الا وهو زعلان حده حده زعلان

قالوا الحمد لله على السلامه يا شيخ فلان.

قال الله لا يسلمكم

قالوا ليش

قال من اللي قتل الاسد

قام واحد وقال انا

قال الله لا يوفقك

قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟

قال انا كنت قاعد اروضه ابيه لي وتجي تقتله حسبي الله عليكم ا<<<< ههههههههههههههههههههههههههههه شر البلية مايضحك احمد ربك فكوووك

المهم اعتذروا منه وتسامحوا منه وخذوه الفبيله وعشووه واحتفلوو فيه <<مسكيين نشف دمهوصار الفارس مرووض الاسووود شيخ قبيلة << الله يرضى !!! L مهزله
وتوووته تووته خلصت الحتووته :D
وطبعا في اختبار ثالث مال الذكاء بس انا ماحطيته لانه ماعجبني مو مال كتابه لووووول نكتفي بالاختباارين :p



والله ياااكثررهم اللي مثل الشيخ (فــــــــــــــــــلان) الصدف لاعبه معاهم دوور :p

الجمعة، 12 يونيو 2009









المــلتاع.. الشاعر طلال العبدالعزيز الرشيد..رحمه الله


من شعرائي المفضلين الذين احرص على امتلاك جميع دواوينهم الشعريه..


وطبعا: في كــل ديوان لاي شاعر لازم القــى كذا قصيده واحطها بـالـ favorites list عندي :)





,,,, ولعدة اسبــاب...


1)اما تكون القصيده قريبه مني (تلامس شي معين).


2)تكون الابيات لها رنه ونغمه موسيقيهّ<<< لو بشرررح ماراح اخلص :)


3)تكون الابيات غامضه ماقدرت افهمها..


4)العنوان غريب يشد..





هــالـ 4 اسباب اللي تخلي الابيات او القصيد بالمفضله عندي :)





((من ديوان الملتاع )),,,, شدتني كلمات خطت بقلمه المبدع رحمه الله..


كانت بعنوان(قبله بين قلم شاعر..وشفاه طفله).!!!!


قريتها... وقريتها...وقريتهاا..


في كل مقطع يتكلم عن حدث واقعي وملمووس ,,,جمعهم في صفحه او صفحتين..

ّّّّّّّّّّّّّّّ

هم..
مايوجع سوى..
قلب مهموم.

ّّّّّّّّّّّ
دم..
صب من الغيوم..
كان وجه الوسم..
سحابتين ورسم.
ّّّّّّّّّّّ
ايهـ شاعر..
وكل مااملكـ كلام كذب..
عذب..
مثـل ريقكـ!!
بس فيني..
جرح ينزف كل صدق الارض.
يوم مرتني عيونك..
كنت اصلي الفرض.
ّّّّّّّّّّّّ
طفله,,
طفـــــله,,
طفــــــله,,
بين الدمـى..
في عيدها..
تطفي الشمــوع..
وطفلــه...تمـــــوت جــوع!!!
ّّّّّّّّّّّّّ

مجــــاعه..
خبر بكت منه الاذاعه..
لا..لاتصدقهم..
اشــــاعه!
امر خطير!!
القتيل اللي محد ياخذ له الثار!!
الضميــر!
امر حقير!
ّّّّّّّّّّّّ
صحــافه..
دام به شخص نخافه..
كل مايكتب((سخـــافه))!
ّّّّّّّّّّّّ
انقد عاللي هامته..
ماتعدى قــامته!!
واكتب بكل الغموض..
اللي فعيون حبيبتي..
وتكون مامثلك يكون..
الكــاتب المجنــون!!
ّّّّّّّّّّّ
طفل شقي..
يبلل الطين بثيابي..
طفله..وام ارمله..
أسئله..
وعلامة استفهام..
من يقتل اسراب الحمام؟
الجــوع..والا هاجس الاوهام؟!
ّّّّّّّّّّّ

جريئــه.. افكـــاري..
جريمــه..افكــاري!
مجلس عتيق..
هذا غريب..وذا رفيق..
شباب..والسيره بنات!!!!!
ذياب!!..يـــاووويل المهات!!
مسكينه ..بنت الشفاة..
مسكينه ..بنت العيون..
كـ لهم جذاب,,
كـ لهم لعاب,,
كـ لهم كذاب,,
كلهم كذاب,,

حتـــى أنـــا!

(( المـــلتاع))
"طلال العبدالعزيز الرشيد""




الخميس، 11 يونيو 2009

لـــNOــآــ ... لمــWhyـــآذآ ... اذ So ــن ... !!!

hal mo`9oo3 w9lny bL email o0 7dah rw3a :)
@
@
@
@
@
لا : للـكبريـاء والغـرور
لماذا : لأنك مجرد أنسان طين وماء ومصيرك للفناء
إذن: كن متواضع ولين الجانب مع البشر
%%%%
لا : للكذب والخداع والخيانة
لماذا: لأنها تنقص من قدرك ولا ترفعه
إذن : كن صادق ووفي وواضح
%%%%
لا : للغبـاء والسذاجـة
لماذا: لأنك سـ تغدو أضحوكة بين الناس
إذن : كن ذكي وفطن وواعي الفكر
%%%%
لا : للحب الزائف ولبس الأقنعة
لماذا: لأن الحـب أكبر مما تتوقع
إذن : كن حـب واحد وقلب واحد
%%%%
لا : للظلــم وللقســـوة
لماذا: لأنها من منغصات الحياة وهضم الحقوق
إذن : كن عادل وحنون وصاحب روح
%%%%
لا : للثقـــة الزائـــدة
لماذا: لأنه سـ يأتي يوم تقع في شراك الغطرسة
إذن : كن خير الأمور الوسط
%%%%
لا : للتبلد وعدم أثبات الذات
لماذا: لكي يكون لك مكانة في المجتمع
إذن : كن صاحب حضور مميز لـ ترقى
%%%%
لا : للتحجر وموت الضمير
لماذا: لأنك بهما لست أنســان
إذن : كن متفهم وأيقظ ضميرك
%%%%
لا : للطمـع والجشــع
لماذا : لأنك غبي لو ظننت أنها شجاعة
إذن : إرضي بما كتبه لك الله في الحياة
%%%%
لا : لـ مراقبة الناس وكشف أسـرارهم
لماذا: لأن بيتك من زجـاج وكتابك مفتوح
إذن : غير نفسك قبل أن تغير الناس وأغلق كتابك
%%%%
لا : للنظر لـ من حولك بـ نصف عين
لماذا: لأنهم يمـلكون عينان
إذن : أنظر لهم بغض العين والقناعة
%%%%
maa atwa83 fe a7la mn chthi :]

احـــذروا!!!!!

سجــــــــــــــاده يبيعونها بالمملكه العربيه السعوديه وبجوار الحرم المكي,,,,,
؟؟؟؟
ومايدرووون من وين مصدرها !!
؟؟؟؟؟
وفيها علامة الصليب!!
؟؟؟؟؟؟؟
وفوووق هذا معظم الناس غافليين!!!!!!
؟؟؟؟؟؟؟
حسبي الله ونعم الوووكييل :(